Acting is believing (ትወና ማመን ነው)

መነሻ ሃሳብ- በግድ ሊያሳምኑን ከሚጥሩ ተዋንያን ትወና
ምንም አይነት የትወና ቴክኒክም ይሁን ስታይል ተከታይ ይኮን ትወና በ"ማመን" ላይ የተመሰረተ ጥበብ ነው።...በትወና ስራ ውስጥ የአንድ ተዋናይ የመጨረሻ ግብ የተሰጠውን (የሚወክለውን) ገፀባህሪ በአሳማኝ ሁኔታ ለተመልካች ማቅረብ ነው።...ትወና ባመዛኙ ያልሆኑትን ሆኛለው ሆኖብኛል ብሎ ተመልካችን የማሳመን ጥበብ ነው።በአጭር ቋንቋ ተዋንያን ተመልካችን ሲኒማ ቤት 'የሚጠሩት' "ና ላሳምንህ" ሊሉት ነው።...ታድያ በዚህ የማሳመን ጥበብ ውስጥ ቀዳሚው ነገር ተዋናዩ በገፀባህሪው ማመን አለበት።ለማሳመን ማመን ይቀድማልና።..."ውስጥህ ያላመነበትንና ስሜት ያልሰጠህን ነገር ለሌሎች ለማሳየት ፈፅሞ አትሞክር!"...ይላል የዘመናዊ ትወና ፈር ቀዳጅ እንደሆነ የሚታመነው ሩሲያዊው የትወና ምሁር ስታንስላቭስኪ።
ወክሎ የሚጫወተውን ገፀባህሪ ሙሉ ስብዕና አምኖ ያልተቀበለ ተዋናይ ካሜራ ፊት ወይም ለተመልካች አሳማኝ ትወና ሊያቀርብ አይችልም።የገፀባህሪው ህይወት የኔ ህይወት ነው ያላለ ተዋናይ ሲኒማው ላይ ነብስ አይዘራም።ተዋናይ በሚወከለው ገፀባህሪ ተመልካችን ከማሳቁም ከማስለቀሱም በፊት እሱ ሊስቅም ሊያለቅስም ይገባል።ራስ ስሜት ሳያደርጉ ለተመልካች ስሜት ለማቀበል መታገል ክሽፈት ነው።በገፀባህሪው ልቡ ያልተነካ ተዋናይ የሰውን ልብ ሊነካ አይችልም።....ስለዚህማ.....
መድረሻ ሃሳብ-ትወና አምኖ የማሳመን ጥበብ ነው!!
በኤልያስ ማዳ
ግንቦት 2008

Latest News and Articles