Oct. 12, 2019, 3:17 p.m. by EtMDB
አመታዊው ፱ኛው የለዛ ምርጫ ሽልማት የፊታችን ሐሙስ ጥቅምት 6, 2012 በሂልተን ሆቴል ይካየዳል።የምርጫ ሂደቱ በጥቂቱ! በየዓመቱ የሚካሄደው ለዛ ሽልማት የድምፅ መሰብሰብ ሂደት በተወሰኑ ቀናት ወስጥ ይጠናቀቃል:: ከሐምሌ 1 2010 ዓ.ም እስከ ግንቦት 30 2011 ዓ.ም ድረስ የወጡ የጥበብ ስራዎችና ሰዎች ተወዳዳሪ የሚሆኑበት 9ኛው በሸገር ኤፍ ኤም 102.1 የለዛ አድማጮች ምርጫ ሽልማት ስነ-ስርዓት ሁለተኛ ዙር ድምፅ አሰባሰብ ሂደት መስከረም 30 ተጠናቅቋል:: በዘንድሮ ሽልማቱ ላይ በ12 የተለያዩ የሽልማት ዘርፎች እጭዎችን ይፋ በማድረግ ላለፋት 2 ወራት የአድማጭና ተመልካች ድምፅን በበይነ-መረብ ሲሰበስብ ቆይቷል። ለ9ኛ ጊዜ በሚደረገው የዘንድሮ ሽልማት ላይ
- የአመቱ ምርጥ አልበም፣
- የአመቱ ምርጥ ፊልም፣
- የአመቱ ምርጥ ተዋናይ፣
- የአመቱ ምርጥ ተዋናይት፣
- የአመቱ ምርጥ አዲስ አልበም፣
- የአመቱ ምርጥ ነጠላ ዜማ፣
- የአመቱ ምርጥ ክሊብ፣
- የአመቱ ምርጥ ተከታታይ ድራማ፣
- አመቱ ምርጥ ተከታታይ ድራማ ምርጥ ተዋናይ፣
- የአመቱ ምርጥ ተከታታይ ድራማ ምርጥ ተዋናይት፣
- የአመቱ ምርጥ ሙዚቃ እና
- ያለ ዕጩ የሚሸለምበት፣ የህይወት ዘመን ተሸላሚ
የመጨረሻው ዙር ውድድር ዳኝነት በሙዚቃው ዘርፍ ያሉትን እጩ ሰዋችና ስራዋች 60% የአድማጭ ተመልካቾች ድምፅ ይወስናል። ቀሪው 40% በሀገራችን ሙዚቃ ታሪክ ውስጥ የወርቅ ስም ያላቸው የተመረጡ ባለሙያዋች ድምፅ ይወሰናል:: በዚሁ በሙዚቃ ዘርፍ ውስጥ የሚካተቱት የሽልማት ዘርፎች ማለትም የአመቱ ምርጥ የሙዚቃ፣ የአመቱ ምርጥ የሙዚቃ ቪዲዮ እና የአመቱ ምርጥ ነጠላ ዜማ ሙሉ በሙሉ በአድማጭ ተመልካቾች ድምፅ ይወሰናል::
በፊልሙ ዘር ያሉትን እጩ ተወዳዳሪ ሰዋችና ስራዎቸ ደኝነት 60% የተመራጭ የጥበባት ባለሙያ ዳኞች ሲሆን ተመልካቾች በዚህ ዘርፍ ቀሪውን 40% ይወስዳሉ:: ነገር ግን በዚሁ በፊልም ዘርፍ ውስጥ የሚገኙት ሶስት የውድድር ዘርፎች ማለትም የአመቱ ምርጥ ተከታታይ የቴሌቪዥን ፊልም፣ የአመቷ ምርጥ ተከታታይ የቴሌቪዥን ፊልም ተዋናይትና የአመቱ ምርጥ ተከታታይ የቴሌቪዥን ፊልም ተዋናይ አሸናፊነት የሚታወቀው ሙሉ አሸናፊነት የሚታወቀው ሙሉ በሙሉ በአድማጭ ተመልካቾች ምርጫ ነው::
በአመቱ ምርጥ ዘፈን ዘርፍ እጩዋች ሁሉም በዳኞች የተመረጡ በዚህ የውድድር ዓመት ከወጡ አልበሞች የተውጣጡ ስድስት ምርጥ ዘፈኖች ናቸው:: በዚህ ዘርፍ ላሉት እጩዋች አድማጭ ተመልካቾች ድምፅ አትሰጡም የመጨረሻው አሸናፊም የሚታወቀው በነዚሁ በተመረጡ ዳኞች ሲሆን ፈረንጆቹ jackpot እንደሚሉት ባለ መንገድ ይሆናል::
የ፱ኛው የለዛ ምርጫ ውጤት በጉጉት አስኪወጣ ድረስ የአርቲስቶች የሽልማት ዝርዝር ገጻችን ላይ ይመልከቱ::ለሚወዱት፣ ለሚያከብሩት፣ ለሚያደንቁት የጥበብ ስራና ባለሙያ ድምፅ መልካም እድል ተመኙላቸው::
